Дельфинарийға саяхат

       26.01.2018 ж. «KAZ KOLLOSSAL» ЖШС ұйымдастыруымен «Балбұлақ» РБОО –дағы осы ауысым балалары мен ата-аналар қаламыздың Орталық мәдениет және демалыс саябағындағы «Немо» дельфинариіне барып, қойылым тамашалады.

       Дельфино­терапия — балалардың церебральды сал ауруы, аутизм, Даун синдромы, невроз, психи­калық дамудың кешеуілдеуі мен жарақат­танудан кейін күйзеліске шалдыққан жағдайларда кеңінен қолданылады. Дельфинотерапия балалардың есте сақтау, зейін қойып тыңдау және еңбекке деген қабілетін арттырып, науқастардың нашар есту және сөйлеу қабілеттерін дамытады, жан күйзелісін азайтып, неврологиялық жағдайын тыныш­тандырады. Ғажайып дельфиндердің шығаратын дыбысы баланың дамуына өте пайдалы.

      Қойылым аясында кішкентай көрермендер ғажайып дельфиндердің өнерін қызыға тамашалады. Николь, Катя және Юми есімді Қара теңіздің дельфиндері доп ойнап, сурет салып, ән айтып, би билеп, суда жүзіп, бір-бірімен жарысып, темір шеңберді айналдырып, содан секіріп, балаларды қуанышқа бөледі. Бүлдіршіндердің қол шапа­лақтағанына қуанған жануарлар оларға да қошеметпен жауап қай­тарып, су шашып, өздерінің қуанышты көтеріңкі көңіл күйін білдірді. Оңтүстікамерикалық Анфиса мен Василиса атты теңіз мысықтары да олардан қалыспауға тырысып, үйретуші мамандардың айтқандарын бұлжытпай орындап шықты.

Балалар мен ата-аналар қойылым тамашалауда.

Осы керемет демалысты ұйымдастырған ЖШС «KAZ KOLLOSSAL» ұжымына, директоры Өміртаева Ағзия Тұрсынбаевна ханымға ата-аналар мен балалардың атынан «Жұмыстарыңыз алға басып, асар таулырыңыз алда болсын!» деп айтар алғысымыз шексіз!!!